قصيدة حبيب في الخيانة

بسم الله الرحمن الرحيم

هذي قصة حبيب في الخيانه ارجو ان تنول اعجابكم



ثلاث سنين وانا اخطط لهذا اليوم يابوسعود = تيسر حالي وجاهز اوفي وعدي ابوقته



وفجأة جتني تتعذر تقول اتأخرت الوعود = وانا مستغرب واسمع وكأني وعدها خنته



حسبت انها تمازحني وتتصنع جفا وسدود = ضحكت بوجهها من قلب مع انها بايخه النكته



وقالت ارضى بالواقع قلبي ماهو المعهود = تغير كل شي صوبك نصيبي مااظن انته



كنت بيوم محبوبي ولكن مااظنه يعود = وصل من قبل ماتوصل وانا ذاك الصبر عفته



ولكن تكفى صدقني ويشهد ربي المعبود = ترى ماخنتك بغفله ولاكلمته وشفته



صراحه اهلي قالولي بانه ولد اصل وجود = وجتني امه بالصوره وبكلمات المدح اخته



سكت وقلت هي فرصه مادام الجود في الموجود = وقالوا كل من حولي علامات الرضى سكته



وانا فكرت دام امه واخته ماعليهم زود = اكيد اني براضيهم اذا وافقت واخترته



وراضي اهلي وخواني مادام ان الفرح معقود = عطيت الناس انا كلمه ومعاهم وقتي حددته



ولا اقدر اغيرها ترى عند العرب منقود = اوافق واعتذر باكر واقول الراي غيرته !!



تبي تشرحلي المنقود تصدق عاد يابو سعود = تبيني اقتنع وارضى بحالن عمري ماعشته



انا ماني بقايلها عسى يفرش ثراها ورود = بعد ماحطمت قلبي وطعم الموت جربته



عسى بفستانها اشواك وفي ثوبه عقارب سود = ونارن تحرق الكوشه وتحرق بيتهم حتى



وموتن ليلة الدخله يبرد حرتي ياكود = ولاحس انها بحضنه يلامس خد لامسته



علي اهون اذا ماتو ولابنفس السرير رقود = ترى صعبن علي اتخيل اللي ماتخيلته



عسى قاع الثرى يقسى ويتحول صخر جلمود = وحفار القبر يرفض يسوي فوق مقدرته



ترى دفنة عديم الذات تلوع حتى جبد الدود = ومن خان العهود ومات تعافه حتى مقبرته



عسى ربي يجازيهم بحبلن من مسد ممدود = يعلقهم من اطرافه وفوقه نارن وتحته



انا ماني حقود وشين ولاني من نسل نمرود = ومن حط نفسه بوضعي بيقول اللي انا قلته



مادام الفعل له ردة فعل ابشري بردود = بدعي دامني حي وبغرس للدعا نبته



وبسقيها نزيف القلب ودمعن مارحم الخدود = وتكبر والثمر ثاري من اللي خانني وخنته



انا نذرن علي اكتب وفجر هالقصيده رعود = واسمع كل البشر صوتي عجبته ولا زعلته



وردد للي يسمعني اذا حبيت حط حدود = انا حبيت دون حدود وشوف اللي تكبدته



ثلاث سنين انا ابني وجت صوره بكل برود = خذت من شقى عمري وحلمن قلت حققته



ثلاث سنين انا اخطط لهذا اليوم يابوسعود =وتوافق من كلام اخته وصوره اربعه بسته



لاتنسونا من ردردك الطيبة

اخوكـــــــ نــــايــــــــف ــــــــــــــــــــــم

مشاء الله تبارك الله

الإدارة<<<<<<<<<<<<