الذكريات وما ادراك الذكريات

السلام عليكم ورحمة الله وبركاته

كيفكم يا اعضاء المنتدى الاعزاء

ان شاء الله زفت اااقصد بخير

والله انا متأسف عن تغيبي بسبب الامتحانات بس ان شاء الله برجع اول ما اخلص

ياجماعة الخير ..كنت في يوووم من الايااام اقلب صفحة الذكريات .. وتذكرت جدي الثامن عشررر المتوفي في يوم التاسع والثلاثون من شهررر تموز حزيرااان << مواليد بيروت ...

اول عندهم الشهررر اربعين يوم... بس بسبب مراجعة الدواير الحكووووميه والمماطل تم تخفيض الايااام الى ثلاثين يووووم... وان شاءالله يخفض الى يوم واااحد علشااان اذا قالك المووووظف راجعناااا بعد شهر تجيه بعد يوم !!! وبكذا يكون قضيناااا على التأخير في المعاملات << اقول شكلك لك معامله في وزارة المواصلاااات تبي سفلته لوجهك



المهم دخلت غرفة جدي المذكوررر آآآنفاً

وجلست اقلب فيهاااا ولقيت صور له في لبناااان ومعه شلة دشيررر ويتتنون رثمن <<< اقول متأكد انه جدك ؟؟
ولقيت له صور وهو في الشانزليزيه وعيونه حمرا شكله مكثر فمتو ..المهم لقيت شنطه حديد ... وفتحتهااا ولقيت اشرطه الله اعلم وش هي..؟؟ ولقيت كتاااب اسمه مراهقين قبل الزوااااج !!! ..المهم لقيت صندوووق صغير ومكتوب عليه اذا تبي تفتح الصندوووق قل افتح يا سمسم عشررر مرااات ..<< هذا جدك ولا اخوك الصغيررر ..

المهم فتحت الصندوق ولقيت فيه طااااقيه !!! وكل الزحمه هذي واخرتها طاااقيه ؟؟؟ قلت الطاقيه هذي اكيد فيها سر !!!
وانا الي البس الطاااقيه ورحت اشوف خشتي بالمرايه .. وقفت واناظر لنفسي وادور نفسي مالقيتني وادور وجهي مالقيتني قلت يمكن المرايه فيها شي ..!!! المهم طلعت للصاله ولقيت الوالد يحش فيني عند الوالده وانا واقف عنده ولا عبرني والوالده تزيد من عندهااا قلت لبوي ترى مايجوز الناااس تحش في بعض ... ولا سمعني واقرب من عنده واصرخ في وجهه ولا عبرني ... قلت خذ راحتك يا مقطعني بالحش ...... المهم رحت للمرااايه واناااظر في وجهي ولا لقيته !!!.. المهم رجعت للغرفه وقفت عند المرااايه ونزلت الطاااقيه وشوي اللي يوم رجعت والبس الطاقيه الا يوم اختفيت !!! الحين عرفت السالفه يوم ابوي يحش فيني وانا واقف عنده ولا هميته...


المهم لبست الطاااقيه ومريت من عند ابوي وهو مواااصل حش سحبته مع فنيلته العلاقي اللي مشخص فيها عند الوالده... ومافكيته الا عند البااااب ... المهم طلعت من البيت ومريت بقالة الهندي اللي جنبنا واول مادخلت صفقته على جبهته << نذاله ..وقمت على الرفوف وطيحت اللي فيها ودخلت راسه في علبة حليب نيدووو وطلعت المهم رحت للمدرسه وادخل على المدير والقاااه يتكلم على مدرررس العلوووم المصري الاستااااذ صدقي ابو عجله ... وابوعجله يقول للمدير (ماتخفش الاسئله السنه دي مش حيفلت منها حد) ..المصري ناااوي يجيب اسئله مايحله انيشتاين والمصري نفسه...اخس يبي يضيع شبابنا.. المهم جيت من ورا صدقي وامسك يده واخليه يا خذ الخراااامه ويصفق المدير مع الجبهه واطلع من عندهم بعد ماتأكدت من فصل الاستاااذ صدقي ابو عجله وترحيله على اقرب طيااااره بدون رجعه ...

واتجهت للبيت ولقيت ابوي مازال يحش .. شلته وربطته بالمروحه وشغلتها على رقم واااحد قلت علشااان يصير عبره لغيره (( اقصد امي )) المهم نمت وقمت بالليل وطلعت قلت ابي اشووووف احوااال الرعيه بالليل..


المهم رحت للشله ولقيت اثنين من خوياي جالسين تقل عجز بساطات ... اخذت المفتاااح وقفلت الاستراااحه عليهم وطفيت الكهرب واتصلت على الشرطه وقلت فيه حرااااميه اثنين طابين في استراحتنااا ...جو الشرطه ضفووو اخوياي ..وانا رحت للبيت ومريت على الهندي راعي البقاله وسويت فيه مثل اول بس المررره هذي دخلته بالثلاجه حقت الدجاج وقفلت عليه وفتحت الدرج وطلعت الدفتررر اللي فيه حسااابي وقطعته واتجهت للبيت ودخلت الصاله ولقيت الوالده حاطه دولاب وفوقه مراكي وجالسه تسمع حش ابوي وهو معلق بالمروحه << انواااع النذاله عند الوالده .. ليش مافكت ابوي من المروحه !!
رجعت لغرفتي ونزلت الطاااقيه وتعوذت من ابليس واحرقت الطااااقيه بدون رجعه ... صدقوني لو استمريت على هالحاله راح اشووووف غرايب <<< وجه يقول وماخفي كان أعظم



مايستفاد :
1- لا تقعد تقلب الذكريات علشان ماتشووف الفضايح .
2- أترك عنك اللقافه وتسوي فيها متذكر جدك وخلك بدروسك .
3- مدري وش تبي بس حبيت أحطها كذا .





الحين مع سؤال اليوم.....

صرصور لابس علاقي ومنسدح يتتن... ليشششش ؟؟؟

<<< انتبهوا.... ترى السؤال عليه درجات
هههههههههههههههههههه

السلام عليكم

شكرا على الموضوع الحلو

وجواب السؤال : زي ما قال أخونا غلا الروح قاعد فكر في الذكريات القديمة (يسترجعها ) واضح من عنوان الموضوع

الإ>ارة<<<<<<<